കൊച്ചി: ഒരു വര്‍ഷത്തെ പ്രവൃത്തിപരിചയമുള്ള നഴ്‌സുമാര്‍ക്ക് മാത്രം സ്വകാര്യ ആസ്പത്രികളില്‍ നിയമനം നല്‍കിയാല്‍ മതിയെന്ന കേരളാ പ്രൈവറ്റ് ആസ്പത്രി മാനേജ്‌മെന്റ് അസോസിയേഷന്റെ പ്രസ്താവന തികച്ചും അപക്വമാണെന്ന് ഇന്ത്യന്‍ രജിസ്റ്റേര്‍ഡ് നഴ്‌സസ് അസോസിയേഷന്‍ ചൂണ്ടിക്കാട്ടി.
കേരളത്തില്‍ നഴ്‌സിംഗ് വിദ്യാഭ്യാസ സ്ഥാപനങ്ങള്‍ അഞ്ച് ലക്ഷം മുതല്‍ ഏഴ് ലക്ഷം രൂപ വരെ ഈടാക്കി പഠിപ്പിച്ചിറക്കുന്ന നഴ്‌സിന് പ്രവൃത്തിപരിചയമില്ലെന്ന് പറയുന്നത് നഴ്‌സിംഗ് വിദ്യാഭ്യാസ സ്ഥാപനങ്ങളുടെ അപര്യാപ്തതയാണ് ചൂണ്ടിക്കാണിക്കുന്നത്. ഇത്തരത്തിലുള്ള വിദ്യാഭ്യാസ സ്ഥാപനങ്ങളുടെ അംഗീകാരം റദ്ദാക്കാന്‍ കേരള നഴ്‌സിംഗ് കൗണ്‍സിലും, ഇന്‍ഡ്യന്‍ നഴ്‌സിംഗ് കൗണ്‍സിലും ശക്തമായ നടപടിയെടുക്കണമെന്നും അസോസിയേഷന്‍ ആവശ്യപ്പെട്ടു.
No comments:
Post a Comment