തിരുവനന്തപുരം: സ്വകാര്യ മേഖലയ്ക്ക് സമാനമായി താത്കാലിക നിയമനത്തിന് അര്‍ഹമായ വേതനം നല്‍കാതെ സംസ്ഥാന സര്‍ക്കാരും നഴ്‌സുമാരെ ദ്രോഹിക്കുകയാണെന്ന് കേരള ഗവ. നഴ്‌സസ് യൂണിയന്‍ സംസ്ഥാന പ്രസിഡന്റ് ടി.എസ്. സ്മിതയും ജനറല്‍ സെക്രട്ടറി എം. ഗിരിജ തങ്കച്ചിയും ആരോപിച്ചു. നഴ്‌സുമാരുടെ തസ്തിക സൃഷ്ടിക്കാതെ വിവിധ ഏജന്‍സികള്‍ വഴി ദിവസവേതനാടിസ്ഥാനത്തിലാണ് സര്‍ക്കാര്‍ ആസ്പത്രികളിലും മെഡിക്കല്‍ കോളേജുകളിലും ഇപ്പോള്‍ നഴ്‌സുമാരെ നിയമിക്കുന്നത്. വിശ്രമമില്ലാതെ ദിവസവും 12 മണിക്കൂര്‍ വരെയാണ് താത്കാലിക നഴ്‌സുമാര്‍ ജോലി ചെയ്യുന്നത്. അവധിപോലുമില്ലാതെ 29 ദിവസം ജോലി ചെയ്താല്‍ മാത്രമാണ് 7000 രൂപ വേതനം നല്‍കുന്നത്. ഇതിനായി നടത്തുന്ന അഭിമുഖം പോലും പ്രഹസനമാണെന്നും അവര്‍ പറഞ്ഞു.
No comments:
Post a Comment