| കൊച്ചി: സ്വകാര്യ ആശുപത്രികളിലെ നഴ്‌സുമാരുടെ മിനിമം വേതനമുള്‍പ്പടെയുള്ള കാര്യങ്ങള്‍ സംബന്ധിച്ച വ്യവസ്‌ഥകള്‍ രാജ്യത്ത്‌ നിലവിലുള്ള ക്ലിനിക്കല്‍ എസ്‌റ്റാബ്ലിഷ്‌മെന്റ്‌ ആക്‌ടില്‍ ഉള്‍പ്പെടുത്തണമെന്നും ഇതിനായി എം. പിമാരുള്‍പ്പെടെയുള്ളവരെ സമീപിക്കുമെന്നും ഓള്‍ ഇന്ത്യ നഴ്‌സസ്‌ വെല്‍ഫെയര്‍ അസോസിയേഷന്‍ പ്രസിഡന്റ്‌ ഉഷ കൃഷ്‌ണകുമാര്‍ പത്ര സമ്മേളനത്തില്‍ പറഞ്ഞു. നഴ്‌സിംഗ്‌ മേഖലയില്‍ നിലനില്‌ക്കുന്ന ബോണ്ട്‌ സമ്പ്രദായത്തിനെതിരായി സംഘടന സുപ്രീംകോടതിയില്‍ നല്‌കിയ ഹര്‍ജിയില്‍ കോടതി ഇന്നലെ സര്‍ക്കാരിന്റെ അഭിപ്രായം തേടിയിട്ടുണ്ടെന്നും ആറ്‌ ആഴ്‌ച്ചക്കുള്ളില്‍ സര്‍ക്കാരിനോട്‌ നിലപാട്‌ വ്യക്‌തമാക്കാനാണ്‌ ആവശ്യപ്പെട്ടിരിക്കുന്നതെന്നും അവര്‍ പറഞ്ഞു. നഴ്‌സിംഗ്‌ മേഖലയിലെ ബോണ്ട്‌ വിഷയം ഗൗരവമാണെന്നും ഈ പ്രശ്‌നത്തിന്‌ പരിഹാരം കാണേണ്ടതുണ്ടെന്നുമുള്ള കോടതിയുടെ നിരീക്ഷണം ശ്രദ്ധേയമാണെന്നും ഈ പ്രശ്‌ന പരിഹാരത്തിന്‌ വഴിതുറക്കുന്ന സാഹചര്യമാണ്‌ കോടതിയുടെ ഇടപെടലിലുടെ ഉണ്ടാവുന്നതെന്നും ഉഷ കൃഷ്‌ണകുമാര്‍ പറഞ്ഞു. (വാര്‍ത്ത കടപ്പാട്: മംഗളം 10/12/11) |
Saturday, December 10, 2011
നഴ്‌സുമാരുടെ വേതന വ്യവസ്‌ഥ ആക്‌ടില്‍ ഉള്‍പ്പെടുത്തണം: ഉഷ കൃഷ്‌ണകുമാര്‍
Subscribe to:
Post Comments (Atom)
No comments:
Post a Comment