കൊച്ചി: നഴ്‌സുമാരുടെ നിയമനത്തില്‍ ഒരുവര്‍ഷത്തെ പ്രവൃത്തിപരിചയം നിര്‍ബന്ധമാക്കാന്‍ കേരളത്തിലെ സ്വകാര്യ ആസ്പത്രി മാനേജ്‌മെന്റുകളുടെ സംഘടനയായ കേരള പ്രൈവറ്റ് ഹോസ്പിറ്റല്‍സ് അസോസിയേഷന്റെ തീരുമാനം. കൊച്ചിയില്‍ ചേര്‍ന്ന യോഗത്തിലാണ് ഒരു വര്‍ഷമെങ്കിലും പ്രവൃത്തിപരിചയമില്ലാത്ത നഴ്‌സുമാരെ കേരളത്തിലെ സ്വകാര്യ ആസ്പത്രികളില്‍ നിയമിക്കേണ്ടതില്ലെന്ന് അസോസിയേഷന്‍ തീരുമാനിച്ചത്. നഴ്‌സുമാര്‍ക്ക് ഈ പ്രവൃത്തിപരിചയം എങ്ങനെ ലഭ്യമാക്കാമെന്നതുസംബന്ധിച്ച് സര്‍ക്കാര്‍ ആലോചിച്ച് തീരുമാനമെടുക്കേണ്ടതാണെന്ന് അസോസിയേഷന്‍ ജനറല്‍ സെക്രട്ടറി അഡ്വ. ഹുസൈന്‍ കോയ തങ്ങള്‍ പറഞ്ഞു.
ഒരു ആസ്പത്രിയില്‍നിന്ന് മാറി മറ്റൊരു ആസ്പത്രിയില്‍ ജോലിക്കുചേരുന്ന നഴ്‌സുമാര്‍ നിര്‍ബന്ധമായും എതിര്‍പ്പില്ലാ രേഖ (എന്‍ഒസി സര്‍ട്ടിഫിക്കറ്റ്) ഹാജരാക്കണം. നഴ്‌സുമാരുടെ സമരം ഉള്‍പ്പെടെ ഒട്ടേറെ പ്രതിസന്ധികള്‍ സ്വകാര്യ ആസ്പത്രികള്‍ അഭിമുഖീകരിക്കുന്നുണ്ട്. ഇവയെല്ലാം ആസ്പത്രിപ്രവര്‍ത്തനം തന്നെ പ്രതിസന്ധിയിലാക്കുകയാണ്. ഈ വിഷയങ്ങളെല്ലാം സംസ്ഥാന സര്‍ക്കാരിലേക്ക് എത്തിക്കുന്നതിനായി ഒരു ഉപസമിതിയെ അസോസിയേഷന്‍ ചുമതലപ്പെടുത്തി. ഈ ഉപസമിതി താമസിയാതെ തൊഴില്‍വകുപ്പു മന്ത്രിയുമായി ചര്‍ച്ചനടത്തുമെന്നും അഡ്വ. ഹുസൈന്‍ പറഞ്ഞു.
ഒരു ആസ്പത്രിയില്‍നിന്ന് മാറി മറ്റൊരു ആസ്പത്രിയില്‍ ജോലിക്കുചേരുന്ന നഴ്‌സുമാര്‍ നിര്‍ബന്ധമായും എതിര്‍പ്പില്ലാ രേഖ (എന്‍ഒസി സര്‍ട്ടിഫിക്കറ്റ്) ഹാജരാക്കണം. നഴ്‌സുമാരുടെ സമരം ഉള്‍പ്പെടെ ഒട്ടേറെ പ്രതിസന്ധികള്‍ സ്വകാര്യ ആസ്പത്രികള്‍ അഭിമുഖീകരിക്കുന്നുണ്ട്. ഇവയെല്ലാം ആസ്പത്രിപ്രവര്‍ത്തനം തന്നെ പ്രതിസന്ധിയിലാക്കുകയാണ്. ഈ വിഷയങ്ങളെല്ലാം സംസ്ഥാന സര്‍ക്കാരിലേക്ക് എത്തിക്കുന്നതിനായി ഒരു ഉപസമിതിയെ അസോസിയേഷന്‍ ചുമതലപ്പെടുത്തി. ഈ ഉപസമിതി താമസിയാതെ തൊഴില്‍വകുപ്പു മന്ത്രിയുമായി ചര്‍ച്ചനടത്തുമെന്നും അഡ്വ. ഹുസൈന്‍ പറഞ്ഞു.
(വാര്‍ത്ത കടപ്പാട്: മാതൃഭൂമി )
2 comments:
തൊഴില്‍ ലഭിക്കാതെ എങ്ങിനെയാ തൊഴില്‍പരിചയം ഉണ്ടാക്കുക? വ്യാജ തൊഴില്‍പരിചയ സര്‍ട്ടിഫിക്കറ്റ് - എന്‍.ഓ.സി. എന്നിവ വ്യാപകമാവാന്‍ ഇത് വഴിവെക്കും.
Post a Comment