| കൊച്ചി: അമൃത ആശുപത്രിയിലെ നഴ്‌സ് സമരം പിന്‍വലിച്ചു.ഇന്നലെ പുലര്‍ച്ച വരെ നീണ്ട ഒത്തുതീര്‍പ്പ്‌ ചര്‍ച്ചകള്‍ വിജയം കണ്ടതോടെ മൂന്നുദിവസം നീണ്ട സമരം പിന്‍വലിക്കുകയായിരുന്നു. എന്നാല്‍ ആശുപത്രി അധികൃതര്‍ അമിത ജോലിക്ക്‌ നിര്‍ബന്ധിക്കുകയാണെന്ന്‌ ആരോപിച്ച്‌ നഴ്‌സിംഗ്‌ വിദ്യാര്‍ഥികള്‍ ഇന്നലെ സമരം ആരംഭിച്ചു. യുണൈറ്റഡ്‌ നഴ്‌സസ്‌ അസോസിയേഷന്‍ ഉന്നയിച്ച 15 ഇന ആവശ്യങ്ങള്‍ ഇന്നലെ നടന്ന ചര്‍ച്ചയില്‍ മാനേജ്‌മെന്റ്‌ അംഗീകരിച്ചു. ഇന്നലെ പുലര്‍ച്ചെ ഒന്നോടെയാണ്‌ ചര്‍ച്ചകള്‍ പൂര്‍ത്തിയായത്‌. പി. രാജീവ്‌ എം.പി, ഹൈബി ഈഡന്‍ എം.എല്‍.എ, ജില്ലാ കലക്‌ടര്‍ പി.ഐ. ഷെയ്‌ഖ് പരീത്‌ എന്നിവരും മാതാ അമൃതാനന്ദമയി മഠം വൈസ്‌ ചെയര്‍മാന്‍ സ്വാമി അമൃതസ്വരൂപാനന്ദപുരി, മെഡിക്കല്‍ ഡയറക്‌ടര്‍ ഡോ. പ്രേംനായര്‍, അഡ്വ. ശ്രീകുമാര്‍, എച്ച്‌.ആര്‍. മാനേജര്‍ ശിവരാമകൃഷ്‌ണന്‍ എന്നിവരും ചര്‍ച്ചയില്‍ പങ്കെടുത്തു. പ്രശ്‌നം പരിഹരിച്ചതോടെ സമരമുന്നണിയിലുണ്ടായിരുന്ന നഴ്‌സുമാര്‍ ഇന്നലെ ജോലിക്ക്‌ ഹാജരായി. (കടപ്പാട്:മംഗളം 10/12/11) |
Saturday, December 10, 2011
അമൃത: നഴ്‌സസ്‌ സമരം തീര്‍ന്നു
Subscribe to:
Post Comments (Atom)
No comments:
Post a Comment