കൊല്‍ക്കത്തയില്‍ അഗ്‌നിബാധയില്‍പ്പെട്ട മലയാളി നഴ്‌സുമാരുടെ മൃതദേഹങ്ങള്‍ നാട്ടിലെത്തിച്ചു
സംസ്‌കാരം സംസ്ഥാന ബഹുമതികളോടെ
നെടുമ്പാശ്ശേരി: കൊല്‍ക്കത്ത എ.എം.ആര്‍.ഐ. ആസ്പത്രിയിലുണ്ടായ അഗ്‌നിബാധയില്‍പ്പെട്ട മലയാളി നഴ്‌സുമാരുടെ മൃതദേഹം വിമാനമാര്‍ഗം നാട്ടിലെത്തിച്ചു. ഉഴവൂര്‍ മാച്ചേരില്‍ പരേതനായ രാജപ്പന്റെ മകള്‍ രമ്യ (24), കോതനല്ലൂര്‍ പുളിക്കില്‍ കുഞ്ഞുമോന്റെ മകള്‍ വിനീത (മണിക്കുട്ടി-23) എന്നിവരുടെ മൃതദേഹങ്ങളാണ് ഞായറാഴ്ച രാത്രി 7.50ന് കൊല്‍ക്കത്തയില്‍ നിന്ന് ജെറ്റ് എയര്‍വേസ് വിമാനത്തില്‍ നെടുമ്പാശ്ശേരിയില്‍ കൊണ്ടുവന്നത്. ബന്ധുക്കള്‍ മൃതദേഹം ഏറ്റുവാങ്ങി നാട്ടിലേക്ക് കൊണ്ടുപോയി.
നെടുമ്പാശ്ശേരിയില്‍ എത്തിച്ച മൃതദേഹങ്ങള്‍ വിമാനത്താവളത്തിലെ ആഭ്യന്തര ടെര്‍മിനല്‍ ഭാഗത്ത് പൊതുദര്‍ശനത്തിനുവെച്ചു. കേന്ദ്ര മന്ത്രി വയലാര്‍ രവി, മുഖ്യമന്ത്രി ഉമ്മന്‍ചാണ്ടി, മന്ത്രിമാരായ കെ.എം. മാണി, തിരുവഞ്ചൂര്‍ രാധാകൃഷ്ണന്‍, എം.പി.മാരായ പി.സി. ചാക്കോ, കെ.പി. ധനപാലന്‍, പി.ടി. തോമസ്, ജോസ് കെ. മാണി, അന്‍വര്‍ സാദത്ത് എംഎല്‍എ, കോട്ടയം ജില്ലാ കളക്ടര്‍ മിനി ആന്റണി, ഫോര്‍ട്ടുകൊച്ചി ആര്‍.ഡി.ഒ. എസ്. ഷാനവാസ്, ഡെപ്യൂട്ടി കളക്ടര്‍ മോഹന്‍ദാസ് പിള്ള, പ്രോട്ടോകോള്‍ ഓഫീസര്‍ പത്മകുമാര്‍, ജില്ലാ ഇന്‍ഫര്‍മേഷന്‍ ഓഫീസര്‍ വിനോദ് തുടങ്ങിയവര്‍ വിമാനത്താവളത്തിലെത്തിയിരുന്നു. വയലാര്‍ രവി, ഉമ്മന്‍ചാണ്ടി അടക്കമുള്ളവര്‍ റീത്ത് സമര്‍പ്പിച്ചു.
രമ്യയുടെ സഹോദരന്‍ രാജേഷ്, വിനീതയുടെ പിതൃസഹോദരന്‍ വിജയന്‍ തുടങ്ങിയവര്‍ മൃതദേഹത്തെ അനുഗമിക്കുന്നുണ്ട്.
രമ്യയുടെയും വിനീതയുടെയും സംസ്‌കാരം സംസ്ഥാന ബഹുമതികളോടെ നടത്താന്‍ സര്‍ക്കാര്‍ തീരുമാനിച്ചതായി മുഖ്യമന്ത്രി ഉമ്മന്‍ചാണ്ടി അറിയിച്ചു. മരിച്ചവരുടെ കുടുംബങ്ങള്‍ക്ക് ധനസഹായം നല്‍കുന്നത് സംബന്ധിച്ച് അടുത്ത മന്ത്രിസഭാ യോഗം തീരുമാനമെടുക്കും. മറ്റുള്ളവരെ രക്ഷപ്പെടുത്തുന്നതിനായി സ്വന്തം ജീവന്‍ ത്യജിച്ച ഇവര്‍ നാടിന്റെ അഭിമാനമാണെന്നും മുഖ്യമന്ത്രി പറഞ്ഞു.
നെടുമ്പാശ്ശേരിയില്‍ എത്തിച്ച മൃതദേഹങ്ങള്‍ വിമാനത്താവളത്തിലെ ആഭ്യന്തര ടെര്‍മിനല്‍ ഭാഗത്ത് പൊതുദര്‍ശനത്തിനുവെച്ചു. കേന്ദ്ര മന്ത്രി വയലാര്‍ രവി, മുഖ്യമന്ത്രി ഉമ്മന്‍ചാണ്ടി, മന്ത്രിമാരായ കെ.എം. മാണി, തിരുവഞ്ചൂര്‍ രാധാകൃഷ്ണന്‍, എം.പി.മാരായ പി.സി. ചാക്കോ, കെ.പി. ധനപാലന്‍, പി.ടി. തോമസ്, ജോസ് കെ. മാണി, അന്‍വര്‍ സാദത്ത് എംഎല്‍എ, കോട്ടയം ജില്ലാ കളക്ടര്‍ മിനി ആന്റണി, ഫോര്‍ട്ടുകൊച്ചി ആര്‍.ഡി.ഒ. എസ്. ഷാനവാസ്, ഡെപ്യൂട്ടി കളക്ടര്‍ മോഹന്‍ദാസ് പിള്ള, പ്രോട്ടോകോള്‍ ഓഫീസര്‍ പത്മകുമാര്‍, ജില്ലാ ഇന്‍ഫര്‍മേഷന്‍ ഓഫീസര്‍ വിനോദ് തുടങ്ങിയവര്‍ വിമാനത്താവളത്തിലെത്തിയിരുന്നു. വയലാര്‍ രവി, ഉമ്മന്‍ചാണ്ടി അടക്കമുള്ളവര്‍ റീത്ത് സമര്‍പ്പിച്ചു.
രമ്യയുടെ സഹോദരന്‍ രാജേഷ്, വിനീതയുടെ പിതൃസഹോദരന്‍ വിജയന്‍ തുടങ്ങിയവര്‍ മൃതദേഹത്തെ അനുഗമിക്കുന്നുണ്ട്.
രമ്യയുടെയും വിനീതയുടെയും സംസ്‌കാരം സംസ്ഥാന ബഹുമതികളോടെ നടത്താന്‍ സര്‍ക്കാര്‍ തീരുമാനിച്ചതായി മുഖ്യമന്ത്രി ഉമ്മന്‍ചാണ്ടി അറിയിച്ചു. മരിച്ചവരുടെ കുടുംബങ്ങള്‍ക്ക് ധനസഹായം നല്‍കുന്നത് സംബന്ധിച്ച് അടുത്ത മന്ത്രിസഭാ യോഗം തീരുമാനമെടുക്കും. മറ്റുള്ളവരെ രക്ഷപ്പെടുത്തുന്നതിനായി സ്വന്തം ജീവന്‍ ത്യജിച്ച ഇവര്‍ നാടിന്റെ അഭിമാനമാണെന്നും മുഖ്യമന്ത്രി പറഞ്ഞു.
(കടപ്പാട്: മാതൃഭൂമി)
No comments:
Post a Comment